“पहिली आंतरराष्ट्रीय मराठी सृजनशील शिक्षण परिषद” ही मराठी भाषेत फिनलंडसारख्या आंतरराष्ट्रीय व्यासपीठावर आयोजित होणारी पहिलीच परिषद आहे.

दिनांक ११ ते १५ मे २०२६ या काळात हेलसिंकी येथे होणाऱ्या या परिषदेचे उद्दिष्ट महाराष्ट्रातील शिक्षकांना फिनलंडच्या अभिनव शिक्षणपद्धतींचा प्रत्यक्ष अनुभव देणे, तसेच राष्ट्रीय शिक्षण धोरण, राज्य अभ्यासक्रम चौकटीची अंमलबजावणी, सृजनशील वर्गखोल्या, विषयांचे एकत्रीकरण, कौशल्याधारित शिक्षण आणि नाविन्यपूर्ण मूल्यमापन पद्धती यावर विचारमंथन करणे हे आहे.

या परिषदेचे वैशिष्ट्य म्हणजे सर्व सत्रे संपूर्णपणे मराठीत घेण्यात येणार असून, ती “शिक्षकांनी – शिक्षकांसाठी – शिक्षकांची” या संकल्पनेतून साकारली आहेत.

मराठी भाषेला "अभिजात" भाषेचा दर्जा मिळाल्यानंतर, आंतरराष्ट्रीय स्तरावर मराठी शिक्षकांना नवे विचार, नवा दृष्टिकोन आणि जागतिक शैक्षणिक प्रेरणा देणारा हा ऐतिहासिक उपक्रम ठरणार आहे.
​​​
प्रमुख आकर्षण :

• संशोधन सादरीकरण आणि चर्चासत्र.

• फिनिश तज्ञांसमवेत कार्यशाळा.​​​

• हेलसिंकी शहरातल्या पर्यटन स्थळांना भेट

• फिनलंडमधील शिक्षण पद्धतींचा प्रत्यक्ष अनुभव.​